Foto-Albm 2007
Peitlerkofel
14.08.2007: Peitlerkofel mit Theresia und Walter. Mir sein Villnöß gfohrn, weils sem et regnt, obo ... afn Regnradar isch leido ka Voloß. In Unfong sanmo amo a Weile untran Baam in Scherm gston und nocha ischs gaaling auwärts gong. Schiana Nebl-Spiele, amo helle, ammo finschto. Und die Aussicht afn Gipfl erscht: neblig :-) Donoch obo gonz a schiana Obndstimmung.
Tschigot und Mutspitze
06.07.2007: Tschigot und Mutspitze mit Theresia, Petra, Horst und Walter. "Das ist mein Job" ... hots ghaaßn af do Leitnerolm :-) Und nocha ischs los gong. A bärigs Gebiet mit viel Wosso, nou mehr Staane und a supo Aussicht va di Gipfl aus (bol sich do Nebl vozochn hot).
Schlern
20.02.2007: Schlern mit Silvia, Petra, Margherita und Walter. Kaiserwetto und iboflissiga Lawinenpiepsa (zin Glück). Afn Pez wors total windstille und richtig fein. Bärigo Tog und ze lescht no an Epflstrudl in Ums.
24-Stundn-Tour van Walter & Horst
Niederdorf, Plätzwiese, Alpini-Steig, Kreuzbergpaß, Helm
25.+26.07.2007: Ba Kaiserwetto sein do Horst und do Walter zi der Untonehmung in speitan Nummittog va Niedodorf gstartn. Mehra als 60 km, ibo 4000 Höhenmeto.
I hon schun anmo so eppas ähnlichis mitgemocht (in Karl begleitn - westlichstn, südlichstn, nördlichschtn, östlichstn Punkt va Südtirol innoholb 24 Stundn mitn Radl und zi Fuiß) und hon desmo et die gonze Zeit dobei sein gewellt.
So bin i ihnan in nextn Tog in do Friah untoholb va do Elfaschorte mit frischa Gipfilan van Sextna Beck entgeign kemm und honse fin Rest van Tog begleitit. Erstaunlich wia se bis zi lescht guit drau gewessn sein.
Ba do Nemesolbe hobmo Mittog gessn, sein donoch augn afn Karnischn Höhenweg und weita Richtung Helm, wobei mo in do Sillianer Hitte nou an leschtn Stopp gemocht hobm.
Noch do Onkunft in Sextn isch die gonze Sponnung af Null gfoll - im Auto hobmsis baada innoholb wianiga Minutn voschlofn :-) Obo wein wundort se?
Läst selbo, wosze zi dozeihl hobm.
odo direkt zi di Foto ...(olla de im 16:9-Format san van Horst)